2010

الركن البعيد الهادى

شعرت اليومين اللى فاتو بشويه تعب زى ما يكون برد غالبا من التكيف المهم عقلى بدا يودى و يجيب يا واد انت لعبت مع خنازير قريب طب سلمت على حد امريكانى و لا مكسيكي طبعا الاجابات كانت بالنفى و افتكرت التكيف اللى كان ضارب فى وشى طول النهار قلت تبقى بسيط شويه راحه و تعدى لزوم الراحه استلقيت امام التلفزيون مع كبايه شاى سخنه علشان نتسلى و الوقت يمر

بدأت بالمحور برنامج 48 دقيقه عاملين حلقه عن الصحه و نازلين غم مصر فيها كام مليون حاله كبد وبائى و كام مليون فشل كلوى و كام مليون سرطان و عمالين يعددوا و طبعا حودوا على انفلونزا الطيور و منها على الخنازير ان بصراحه بدات اكتئب و احسن ان المرض حيزيد على

حولت على الحياه لقيت برنامج جايب الفنانين بعد ما كبروا و كله بيشتكى من المرض و اغلبهم كانوا بتوع كومديا علشان لما تشوفهم تتضايق اكتر المنتصر بالله و اتصلوا على جورج سيدهم طبعا مقدرش يرد عليهم و اخيرا محمد شرف اللى حيعمل عمليه قريب بس مرضيش يفصح عنها ايه بالضبط طبعا ربنا يكون فى عونهم ويشفى الجميع الاكتئاب زحف على بزياده و جهاز المناعه بدا ينهار

بسرعة قلبت على دريم قلت نفوق بسرعه لقيت برنامج بتاع عمرو الليثى و عمال يزعق وسط العشوائيات مفيش ميه ولا صرف صحى و لا كهرباء و الزباله فى كل مكان طبعا الخلفيه للصوره كانت اساسا مش محتاجه تعليق فما بلكم بالزعيق

جريت على تلفزيون الحكومه الفضائيه المصريه لقيت برنامج اللعب مع الكبار بتاع بسمه وهبى و مستضيفه المغنيه انغام ايوه هى بتاعت الركن البعيد الهادى و فى نفس المكان فى النادى بتاعت زمان يعنى الست انغام من جيلنا و اتجوزت مرتين و مخلفلها عيلين بس ايه بسم الله مشاء الله هى و بسمه يشرحوا النفس الحزينه كل واحده ضاربه بوت بكعب تلاتاشر سم و الوجه ايه تقلش بنت عشرين سنه طبعا ده غير اللبس حدس و لا حرج و الجسم زى ماهو شد بلاده مضربش فيه مفك

اصبت بالاسبهلال مش دى انغام بتاعتا يعنى الخامات و الجينات المصرى شغاله اهه زى الفل لا قلنا لبنانى و لا مغربي لا سحر و لا شعوزه امال ليه اغلبية الستات بعد الجوازه الواحده تبدا في الانحدار من يوم الصباحيه و مع اول عيل تقلب من عصفوره الى فرخه امهات و جسمها يضرب و متشفهاش الا و هى ماسكه سندوتش و بتجرى ورا العيل تزغطه و طبعا الواد مبيكلش تقوم ضاربه هى السندوتش احسن ما نرمى نعمه ربنا لاتزول من وشك و ده فيها كام كيلو زياده وزن

بصراحه الروح المعنويه ارتفعت و جهاز المناعه اشتغل و نسيت الغم بتاع القنوات الخاصه اللى بقت تتنافس مين يجيب اكتئاب للمواطن اسرع كل ده علشان الاعلانات طبعا و تحقيق اعلى نسبه مشاهده ماهو بقى بزنس بصراحه زودوها شويه خايف افتح مره الاقيهم جايبين نسوان لابسه اسود و عماله تعدد و تطلطم علشان يسخنوا الحلقه و على فكره اول مره اعرف قيمه التلفزيون الحكومى رغم انى كنت بكرهه طول عمرى

ليس كل ما بعرف يقال

يحكى أنّ ثلاثة أشخاص حكم عليهم بالإعدام بالمقصلة ، وهم عالم دين - محامي - فيزيائي

... وعند لحظة الإعدام تقدّم ( عالم الدين ) ووضعوا رأسه تحت المقصلة ، وسألوه : ( هل هناك كلمة أخيرة توّد قولها ؟ ) فقال ( عالم الدين ) : الله ...الله.. الله... هو من سينقذنيوعند ذلك أنزلوا المقصلة ، فنزلت المقصلة وعندما وصلت لرأسعالم الدين توقفت .فتعجّب النّاس ، وقالوا : أطلقوا سراح عالم الدين فقد قال الله كلمته .ونجا عالم الدين

.وجاء دور المحامي إلى المقصلة ..فسألوه : هل هناك كلمة أخيرة تودّ قولها ؟فقال : أنا لا أعرف الله كعالم الدين ،! ولكن أعرف أكثر عن العدالة ، العدالة ..العدالة ..العدالة هي من سينقذني .ونزلت المقصلة على رأس المحامي ، وعندما وصلت لرأسه توقف ..فتعجّب النّاس ، وقالوا : أطلقوا سراح المحامي ، فقد قالت العدالةكلمتها ، ونجا المحامي

وأخيرا جاء دور الفيزيائي ..فسألوه : هل هناك كلمة أخيرة تودّ قولها ؟فقال : أنا لا أعرف الله كعالم الدين ، ولا أعرف العدالة كالمحامي ، ولكنّي أعرف أنّ هناك عقدة في حبل المقصلة تمنع المقصلة من النزول فنظروا للمقصلة ووجدوا فعلا عقدة تمنع المقصلة من النزول ،فأصلحوا العقدة و! انزلوا ا لمقصلة على رأس الفيزيائي وقطع رأسه

وهكذا من الأفضل أن تبقي فمك مقفلاً أحياناً ، حتى وإن كنت تعرف اكثر من غيرك

تحسبها صح تعيشها صح

(منقول)
فى اعلان غريب بيطارد الناس فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود

..... احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! ...
توتى وفر فى فلوس المخدرات بتاعته وجاب عربية هامر جديده !!

تحسبها صح .... تعيشها صح

نوسة وفرت من فلوس الديسكو وسافرت فرنسا الصيف اللى فات وفى الغالب مش راجعه !! تحسبها صح .... تعيشها صح

سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!

تحسبها صح .... تعيشها صح

حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!
تحسبها صح .... تعيشها صح

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!

تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!

تحسبها صح .... تعيشها صح

صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!

تحسبها صح .... تعيشها صح

طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !

! تحسبها صح .... تعيشها صح

سيد حجاب

قصيده سيد حجاب كتبها فى التمانينات مش عارف كل لما اقرائها اجدها متجدده كما لو كانت اتكتبت النهارده و بتوصف حالتنا يعنى تشخيص المرض وتم من زمان و اعراضه مرصوده برضه من زمان و العلاج اخر سطر فى القصيده حبه تخطيط مش معقول بقى من ساعتها للان مش عارفين نعالج المرض يا ترى الخلل فين؟؟؟؟؟؟؟؟

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

يا مصرى قوم هش الوطاويط...كفاياك تبليط

صعبه الحياه والحل بسيط...حبة تخطيط

فتحت باب إستيرادك وصرفت فوق ضعف إيرادك

حلى للخواجه إستكراد ك

سابك بتقرا فى أورادك وده أشطك ونزل تشفيط

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

.ومهولاتى تحب تزيط ساعة الفرح زغاريط تنطيط

وفى المياتم هات يا صويت وفى المظاهرات سخن تشيط

وفى الانتخاب تنسى التصويت

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

وليه بترشى وتتساهل وتبيع حقوقك بالساهل تستاهل النار تستاهل

ياغويط ويحسبك الجاهل ساهل وساهى وغبى وعبيط

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

يا مصرى يا اللى الغلا عصرك والنهب فى عصرك حاصدك

قوم للحياه وأسبق عصرك ولا حاجه هاترجع مصرك

إلا أن تكون شغال ونشيط

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

يا مصرى قوم...هش الوطاويط...كفاياك تبليط

صعبه الحياه والحل بسيط...حبة تخطيط

القناعة السلبيه

قبل خمسين عاماً.. كان هناك إعتقادٌ بين رياضيِّ الجري مفاده.."إنّ الإنسانَ لا يستطيع أن يقطعَ مسافةَ المِيل في أقلّ مِن أربعة دقائق، وإن أيّ شخصٍ يُحاولُ كسرَ هذا الرقم سوفَ ينفجرُ قلبُهُ"ولكن أحدَ الرياضيين سألَ: "هل هناكَ شخصٌ حاولَ وانفجرَ قلبُهُ؟؟" فجاءتهُ الإجابةُ بالنفي.فبدأ بالتمرّنِ حتى استطاعَ أن يكسِرَ الرقمَ، ويقطعَ مسافةَ الميل في أقلّ مِن أربعةِ دقائقَ.في البداية ظنّ العَالمُ أنه مجنون.. أو أنّ ساعتَهُ غيرُ صحيحةٍ، ولكن.. وبعدَ أن رأوهُ، صدّقوا الأمرَ، واستطاعَ في نفسِ العام أكثر مِن (100 رياضيِّ) أن يكسروا ذلكَ الرقم.

القناعة السلبية هي التي منعتهُم أن يُحاولوا مِن قبل.. فلما زالت القناعة.. استطاعُوا أن يُبدعُوافي حياتِناتوجد الكثير مِن القناعات السلبية والتي نجعلها (شماعةً) للفشل.. فكثيراً ما نسمع كلمة:مستحيل ... صعب ... لا أستطيعوهذه ليست إلا قناعاتٌ سلبيةٌ ليسَ لها مِنَ الحقيقة شيء، والإنسان الجاد هو الذي يستطيعُ التخلصَ منها بسهولة

مثالٌ آخرُ يستحقّ السرد...ففي إحدى الجامعاتِ في كولومبيا حضرَ أحدُ الطلاب محاضرةَ مادةِ الرياضيات وجلس في

آخر القاعة ونام بهدوء

.. وفي نهايةِ المحاضرة، إستيقظَ على أصواتِ الطلاب، ونظر إلى السبورة.. فوجدَ أنّ الأستاذ كتبَ عليها مسألتين.. فنقلهُما بسرعة وخرج مِنَ القاعةوعندما رجعَ إلى البيت، بدأ يُفكرُ في حلِّ هاتين المسألتين.كانت تلك المسألتين صعبةٌ عليه، فذهبَ إلى مكتبةِ الجامعة، وأخذ يبحثُ في كثيرٍ مِنَ المراجع علّه يستطيع حلهما، وبعد أربعةِ أيامٍ إستطاع أن يحلَّ المسألةَ الأولى وكان ناقماً على أستاذه الذي أعطاهم ذلك الواجب الصعب!!.في محاضرةِ الرياضيات اللاحقة.. إستغربَ مِن أن الأستاذ لم يطلبْ منهم الواجب، فذهبَ إليه وقال له: " يا أستاذ.. لقد استغرقتُ في حلّ المسألةِ الأولى أربعةَ أيامٍ وحلِلتُها في أربعةِ أوراق.. فهلا أحذت مني الحل".تعجّب الأستاذ وقال للطالب: " ولكني لم أعطِكم أيّ واجبٍ!!.. والمسألتين التي كتبتهما على السبورة هي أمثلةٌ كتبتها لكم عن المسائل التي عجزَ العلمُ عن حلـّها...!!"إنّ هذه القناعة السلبية جعلت الكثيرَ مِن العلماء لا يفكرون حتى في محاولةِ حلِّ هذه المسالة.. ولو كان هذا الطالبُ مستيقظاً، وسمع شرحَ الدكتور.. لما فكّرَ في حلّ المسألةومازالت هذه المسألةُ بورقاتها الأربعة معروضةً في تك الجامعةدعوةٌ صادقةٌ كي نكسر تلك القناعات السالبة فينا بإرادةٍ مِن حديد نشقُّ مِن خلالها طريقنا إلى القمة بإذن الله

راقِبْ أفكارَكَ لأنها ستُصبِحُ أفعَالاً

راقِبْ أفعالَكَ لأنها ستُصبِحُ عادات

راقِبْ عاداتَكَ لأنها ستُصبِحُ طِباعاً

راقِبْ طِباعَكَ لأنها ستُحدِّدُ مصِيرَكَ

عينك على اللابتوب

اللابتوب الجديد حجمه بقى زى المحفظه ممكن يتحط فى الجيب بفتكر اول كمبيوتر جبته كان 486 طبعا قبل البنتيم و دول بروسسر و الكلام بتاع اليومين دول و كان الواحد يجيب برنامج الورد على 15 ديسكت و نقعد ننزله فى ساعه و نصف و تانى يوم نكمل الاكسل بقى بخمشتاشر ديسك تانين

الصوره معبره جدا بس اقول لكم الحق الاول افتكرته اعلان عن البنطلونات الجينز بس لما قريت الخبر عرفت انه لابتوب جديد من سونى اوعى عينك تروح فى حته تانيه

احيانا الحل يكون اقرب مما نتصور

قصه منقوله بس فيها معانى كتير منا محتاجين يفكروا فيها
احد السجناء في عصر لويس الرابع عشر محكوم عليه بالإعدام، ومسجون في جناح قلعه
هذا السجين لم يبق على موعد إعدامه سوى ليله واحدة
ويروى عن لويس الرابع عشر ابتكاره لحيل وتصرفات غريبة
وفي تلك الليلة فوجئ السجين بباب الزنزانة يفتح ولويس يدخل عليه مع حرسه ليقول له
أعطيك فرصه إن نجحت في استغلالها فبإمكانك إن تنجوا
هناك مخرج موجود في جناحك بدون حراسه إن تمكنت من العثور عليه يمكنك الخروج
وان لم تتمكن فان الحراس سيأتون غدا مع شروق الشمس لأخذك لحكم الإعدام
غادر الحراس الزنزانة مع الإمبراطور بعد إن فكوا سلاسله
وبدأت المحاولات وبدا يفتش في الجناح الذي سجن فيه والذي يحتوى على عده غرف وزوايا
ولاح له الأمل عندما اكتشف غطاء فتحه مغطاة بسجاده باليه على الأرض
وما إن فتحها حتى وجدها تؤدى إلى سلم ينزل إلى سرداب سفلي ويليه درج أخر
يصعد مره أخرى وظل يصعد إلى أن بدأ يحس بتسلل نسيم الهواء الخارجي مما بث في نفسه الأمل
إلى أن وجد نفسه في النهاية في برج القلعة الشاهق والأرض لايكاد يراها
عاد إدراجه حزينا منهكا ولكنه واثق إن الإمبراطور لايخدعه
وبينما هو ملقى على الأرض مهموم ومنهك ضرب بقدمه الحائط
وإذا به يحس بالحجر الذي يضع عليه قدمه يتزحزح
فقفز وبدأ يختبر الحجر فوجد بالإمكان تحريكه وما إن أزاحه وإذا به يجد سردابا
ضيقا لايكاد يتسع للزحف فبدأ يزحف وكلما زحف كلما استمر يزحف بدأ يسمع صوت خرير مياه
وأحس بالأمل لعلمه إن القلعة تطل على نهر لكنه في النهاية وجد نافذة مغلقة بالحديد أمكنه أن يرى النهر من خلالها
عاد يختبر كل حجر وبقعه في السجن ربما كان فيه مفتاح حجر آخر لكن كل محاولاته ضاعت بلا سدى والليل يمضى
واستمر يحاول...... ويفتش..... وفي كل مره يكتشف أملا جديدا... فمره
ينتهي إلى نافذة حديديه ومره إلى سرداب طويل ذو تعرجات لانهاية لها ليجد السرداب أعاده لنفس الزنزانة
وهكذا ظل طوال الليل يلهث في محاولات وبوادر أمل تلوح له مره من هنا ومره
من هناك وكلها توحي له بالأمل في أول الأمر لكنها في النهاية تبوء بالفشل
وأخيرا انقضت ليله السجين كلها
ولاحت له الشمس من خلال النافذة.. ووجد وجه الإمبراطور يطل عليه من الباب ويقول له: أراك لازلت هنا.
قال السجين: كنت أتوقع انك صادق معي أيها الإمبراطور
..... قال له الإمبراطور ... لقد كنت صادقا
سأله السجين.... لم اترك بقعه في الجناح لم أحاول فيها فأين المخرج الذي قلت لي
' ' ' ' ' ' ' '
قال له الإمبراطور
لقد كان باب الزنزانة مفتوحا وغير مغلق..
* * *

استمتعت جدا بقراءة هذه القصة..
الإنسان دائما يضع لنفسه صعوبات وعواقب ولا يلتفت إلى ما هو بسيط في حياته
حياتنا قد تكون بسيطة بالتفكير البسيط لها
وتكون صعبة عندما يستصعب الإنسان شيئا في حياته

انسانية الغرب

طفلة إسرائيلية دعاها جيش الاحتلال الصهيوني لتكتب رسالتها لأطفال فلسطين على صاروخ سيمزق أشلاءهم لو كانت صاحبة هذه الصورة طفلة فلسطينية لقامت الدنيا ولم تقعد وهي تتحدث عن وحشية الفلسطينيين والعرب والمسلمين الذين يعلمون أطفالهم القتل وسفك الدماء.. لكنها - يا سادة- لطفلة إسرائيلية دعاها جيش الاحتلال الصهيوني لتكتب رسالتها لأطفال فلسطين على صاروخ سيمزق أشلاءهم.. وهذه الدعوة لا تدل إلا على ذروة الإنسانية.. إنسانية الغرب التي تنظر للعرب على أنهم أدنى بكثير من الحيوان

تحديث

حتى ينقطع الشك باليقين يرجى التركيز علىالصوره الاولى مره اخرى مع الكتابه على القنبله على شمال ايد البنت يعنى دون لود الصوره و بعدين تكبرها بقى براحتك مكتوب

From Israel