اللابتوب الجديد حجمه بقى زى المحفظه ممكن يتحط فى الجيب بفتكر اول كمبيوتر جبته كان 486 طبعا قبل البنتيم و دول بروسسر و الكلام بتاع اليومين دول و كان الواحد يجيب برنامج الورد على 15 ديسكت و نقعد ننزله فى ساعه و نصف و تانى يوم نكمل الاكسل بقى بخمشتاشر ديسك تانين
الصوره معبره جدا بس اقول لكم الحق الاول افتكرته اعلان عن البنطلونات الجينز بس لما قريت الخبر عرفت انه لابتوب جديد من سونى اوعى عينك تروح فى حته تانيه
5 comments:
طيب ليه اللئم دة بقي انا عيني راحت و ذنبي في رقبتك ههههه
كله بيتطور شويه شويه هايركب في خلايا مخنا و نبقي زي المتحولون كدة
بس عارف انا باحب جدا الاجهزة الصغيرة يعني لما باشتري موبايل بادور علي ارفع و اصغر موبايل يمكن لاني مش باحب اشيل شنط كبيرة او باحب احطه في جيبي
حتي اللاب توب بتاعي صغير لان مش لازم الجيران يبصوا معايا فيه كفايه انا و لا ايه رأيك
صباحك سكر
تر وح حته تانيه ايه ياراجل
ده كلام انا مركز معاك فى نفس الحته
هو كان ايه ممكن تانى نبص عليه غير اللاب توب
و بعدين انت قلبك اسود أوى عشان لسه فاكر ال 486
someone in life
اكيد الاجهزه المحموله سواء موبايل او لابتوب لازم تبقى صغيره اريح للتنقل و الشيل و اللى عايز شاشه كبيره يجيب
كمبيوتر عادى ان شاء الله حتى ورك ستيشن
soly88
مظبوط انت مركز على ماركه الكمبيوتر زى صح
che
انا قلبى اسود طب ده انا مجبتش سيره كمبوتر اقدم كان اسمه سنكلير ايام الابيض و الاسود
تحياتى للجميع
بصراحه أنا اللي عيني راحت في حته تانيه
هههههههههههههههههههههه
Post a Comment