(منقول)
فى اعلان غريب بيطارد الناس فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود
..... احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! ...
توتى وفر فى فلوس المخدرات بتاعته وجاب عربية هامر جديده !!
فى اعلان غريب بيطارد الناس فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود
..... احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! ...
توتى وفر فى فلوس المخدرات بتاعته وجاب عربية هامر جديده !!
تحسبها صح .... تعيشها صح
نوسة وفرت من فلوس الديسكو وسافرت فرنسا الصيف اللى فات وفى الغالب مش راجعه !! تحسبها صح .... تعيشها صح
سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
تحسبها صح .... تعيشها صح
حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!
تحسبها صح .... تعيشها صح
تحسبها صح .... تعيشها صح
عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!
تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!
تحسبها صح .... تعيشها صح
صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح
طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !
! تحسبها صح .... تعيشها صح
10 comments:
بوست جميل كالعادة ساخر اخر حاجة
طبعا الاعلان مش غلط وبيحمل فكرة جامدة وخصوصا ما الشباب اتفقوا يروحوا الجامعة كل اسبوع في عربية واحد منهم توفير بنزين وتقليل زحمة وكدا...
اكيد الظروف الصعب من ان حد يعرف يوفر بالشكل دا بس لاشك ان الواحد لو حسبهاصح حيكسب
عزيزتى موجه
الاعلان هدفه نبيل اتفق معاكى لكن احيانا المبالغه بتكون زياده شويه شرفتينا بزيارتك و لكى تحياتى
السلام عليكم ورحمة
الله تعالى وبركاته
حااقولك حاجة
ساعات بسمع الناس العاديين بيرددوا كلام الاعلانات دى بحذافيره زى فى حملات انفلونزا الطيور وحملات التطعيم ضد شلل الاطفال الناس بتسمع الكلام وبتنفذه فى جزء كبير منه
عايزة اقول ان فى بعض
الاحيان الناس بتسمع
الكلام وبتنفذه
بس ارجع
وأقولك
الجمهور ماشى
على مزاجه يعنى شلل الاطفال
يجروا يطعموا اولادهم !لكن فى عدم
رش المية فى الشوارع او رمى القمامة
بيسمعوش الكلام اطلاقاً مطلقاً على الاطلاق.أسفة ان كنت طولت
لكن فعلا الجمهور مضايقنى
فى الحتة دى:ماشى بمزاجه!
نهارك ابيض
ايه دا؟
هو انا نسيت
اقول ان التدوينة
حلوةوالكلام معقول خالص
وأن فعلا حكاية يوفر شوية فى المية
ويشترى كتاب لابنه او بنته :استفزاز
طيب معلش:) ادينى قولت اهوه.
norahaty
وعليكم السلام
الناس بيطعموا عيالهم علشان خايفين عليهم و عاوزين يحموهم من المرض بس بيستمروا فى رش الميه و رمى الزباله فى الشوارع علشان الميه بتجيب تراوه يعنى بتبسطهم و من جهلهم مش مقتنعين ان الزباله مضره ليهم و لعيالهم زى المرض تمام
الحل فى رفع مستوى تعليم و تلقى الناس ببساطه يعنى الحضاره
تحياتى وشكرا على زيارتك
معاك حق والله
هيك دعايات بتستفز الواحد
كأنها واقفه على شوية فتافيت وكل أمورنا بعدين محلولة
البوست دمه خفيف:)
هو ايه الصح
الصح ده صح من وجهة نظر اصحابه واصحابهم
لكن مش من وجهة نظر الناس كلها
النقطة التانية بقي
انا شايفة ان هدف الاعلان هو التوفير
مش لازم ندق لهم علي الصغيرة يعني
بص للهدف الاكبر
مع اعتراضي برده علي الامثلة بس الهدف كويس
مياسى
تمام كده شويه فتافيت سعدنا بمرورك
kochia
صحيح الهدف نبيل بس المعالجه سطحيه
و بعدين القدوه مطلوبه و الناس حتتبع القدوه بعد كده يعنى مرسيدس سوده خمسميه بتمن التوفير ده كله و المعنى فى بطن الشاعر
فعلا الإعلان دا كان بيسبب لي حالة فظيعة من الضيق والكبت انتهت بحالات قرقضة أظافر حتى وصلت القرقضة للحم ، ونوبات شد شعر كادت تصيبني بالصلع
بقى نوفر ميه وكهربا نعيش اغنياء
طيب وأسعار العيشة كلها اللي زي الزفت نعمل فيها إيها
على رأي "مورجن فيرمن " في فيلم " الخطايا السبع "
هذه الأحداث لا تبشر بنهاية سعيدة أبدا
تحياتي
بالمناسبة فيه مقال نقدي جديد بالمدونة عن فيلم
se7en
بانتظار تشريفك قاعة سينماية
Post a Comment