يقال ان أفضل تعريف للتعاسة هو أنها تمثل الفجوة بين قدراتنا وتوقعاتنا
اننا نعيش في هذه الحياة بعقلية السنجاب
فالسناجب تفتقر إلى القدرة على التنظيم رغم نشاطها وحيويتها
فهي تقضي عمرها في قطف وتخزين ثمار البندق بكميات أكبر بكثير من قدر حاجتها.
فإلى متى نبقى نجري لاهثين نجمع ونجمع ولا نكتفي
ولا نضع سقفا لطموحاتنا يتناسب مع قدراتنا؟؟
إن نملك اروع النِعم ، فهي قريبة هنا في ايدينا، نستطيع معها أن نعيش أجمل
اللحظات مع احبابنا ومع الكون من حولنا ؟؟
2 comments:
انا كنت لسه بسأل نفسى
هو لسه القهوه عجبه حضرتك اوى كده
كل ما ادخل الاقيها
الحمد لله طلع فيه حاجه بعد القهوه اهه
**********
الموضوع كاعاده اكتر من رائع
بس مع الاسف انا بعانى من نقص فى سقف الطموحات
و بعتبر ده غلط فيه و مش كسل منى
بس انا مش من النوع اللى بيجرى ورى الفلوس مع الاسف
يعنى ما احبهاش تكون كتيره اوى
بس تكون موجوده
بمعنى ما نفسيش اسكن فى قصر
بس نفسى يكون عندى بيت بتاعى بجنينه و كل اولادى يسكنوا معايا
ده حلم بتاعى بس مش بجرى عليه
بس ان شاء ا لله لو حصل اكيد هاكون مبسوطه
يعنى انا عندى سقف مع الاسف
و ليه مع الاسف
علشان ده بيحد من تطلعاتنا
لان اللى بيدور دايما على الاحسن اكيد بيبزل اقصى ما عنده
كان نفسى يكون عندى رغبه فى الجرى بس مع الاسف ما عنديش
الحقيقه القهوه ميتشبعش منها دى ادمان
اما بخصوص سقف الطموح فالمشكله مش انه منخفض او فيه نقص بالعكس المشكله انه اوطى سقف محتاج اننا نظل مثل السناجب نجمع البندق ليل و نهار بس علشان يدوب نقدر نوصل لاوطى سقف
تعليم الاولاد لوحد بالمدارس والجامعات الاجنبيه لوحده سقف اما شراء ارضى و بناء بيت بحديقه عليها فده بقى سقف عالى قوى مقارنه باسعار اليومين دول شوفتى بقى انتى عندك سقف عالى و انتى مش واخده بالك او بمعنى اصح احتياجات الحياه الطبيعيه من التعليم و العلاج و السكن و دى كلها حاجات مشروعه و اساسيه بقت سقف عالى من غير لا قصر و لا عربيه سبور و يخت و لا ديوله و يمكن ادراكنا لده هو اللى بيخلينا منرفعش السقف قوى علشان هو من الاول مرتفع بزياده
و اخيرا ربنا يحقق لك كل الاسقف بتاعتك
تحياتى
Post a Comment