Saturday, November 29, 2008

فتح عينك تاكل ايه؟؟




التركيز على التفاصيل مهم و الا ينتهى الامر بالانسان الى ما لا يريد


طبعا الاخ مخه تاه و مش شايف قدامه غير البنت و مش مركز خالص و النتيجه ايه؟؟

Friday, November 28, 2008

نشنت يا فالح

الصوره دى جت لى على الايميل من صديق مش عارف دي بجد و لا هزار يعنى لو الواحد راح يرخص عربيه جديده و فرحان بيها يقوم المرور يقول له أ ح أ طب حيعمل ايه ساعتها يرفض الرقم و لا حيخده و يروح
الخوف بقى لو الامر يتطور و تطلع لوحات تانيه مكتوب عليها-------بس مقدرش اقول

Saturday, November 22, 2008

مراتك و لا شغلك


اعترافات مدير مصري ذو خبرة طويلة
مراتك......ولا......شغلك !!!!!!!!!!!!!!!!!
(الجواب تحت)
كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا .........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك .. هيهات ..أنسى …..رابعا ........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!! خامسا.......في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!! سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه

سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش(حذاء رياضي) وتفكر مليون مره.....في المحاكم والمؤخر و النفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........ عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ... بتحب مين أكتر...مراتك ولا شغلك ؟؟

Wednesday, November 19, 2008

امه مهند

شويه جد بقى يا جماعه كلام تقيل قوى لحمدى قنديل

Tuesday, November 11, 2008

صفات اساسيه لاى شخصيه تعرفها

بيفهم في الطب وبيشخص المرض وبيوصفلك الدوا وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .
بيحط الريموت كونترول في كيس نايلون حتى ما يتغبر ولا يضيع
بيوقف يتكلم على الباب نص ساعة بعد إنتهاء الزيارة والسلام
في خزانة المطبخ عنده عشرين مرطبان مربى فاضي علشان اذا احتاج يستخدمها ومازال مُصِر على جمع المزيد.
ييجي بعد الموعد بساعة وربع دون ان يعتذر.
يتكلم بصوت عالي في المكالمة الدولية علشان التاني يسمعه .
بيعتبر نفسه أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.
بيحتفظ بأكياس محلات اللبس والأحذية وورق الهدايا تحت مرتبة السريرلسنوات.
عنده صينية مكسرات مقسمة لتلات او أربع أقسام علشان المزاج لكن لايستخدمها ابدا.
بيشتري قبل الإفطار في رمضان مواد استهلاكية متوفرة عنده في البيت
عنده شوايه للرحلات يستخدمه مرة واحدة كل عيد .
بيفكر إن أي حدا بيشتغل في الخليج بيغرف فلوس من غير حساب وأغنى واحد في الدنيا.
بيكون مشغول بقيمة البقشيش طول العشا.. ياترى 25 أما50؟
يتخانق ساعة دفع الحساب بحرارة شديدة على إنه هو اللي لازم يدفع.
بيفرش ملاية السريرعلى طقم الكنب علشان الكنب ما يتوسخ، ولما يجوا الضيوف يترك الملايه و ما يشلهاش.
.