اعترافات مدير مصري ذو خبرة طويلة
مراتك......ولا......شغلك !!!!!!!!!!!!!!!!!
(الجواب تحت)
كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح ..........صحيح ...... صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا .........الشغل بيصرف عليّ .... بس أنا اللي أصرف عليها!!!
ثانيا........في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هيجيب نتيجة ...ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك .. هيهات ..أنسى …..رابعا ........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!! خامسا.......في الشغل من حقك تاخد أجازه...عندك عارض واعتيادي
دا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!! سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه
سابعا .......الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش(حذاء رياضي) وتفكر مليون مره.....في المحاكم والمؤخر و النفقة.. والعيال
ثامنا ........ في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....
أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش
تاسعا.........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........ عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين
في النهاية ... بتحب مين أكتر...مراتك ولا شغلك ؟؟
7 comments:
هههه ضحكتني من القلب كل دي تحليلات طيب حب الشغل و حب مراتك كمان و هي لو عاقله هاتعرف ان شغلك و تعبك ليها
انا كمان بقيت باحب الشغل اكثر من الجواز
في الشغل ليا كرامه و مديري بيقولي ميرسي و جود جيرل لما اعمل شغلي كويس في الشغل ليا تأمين صحي لما امرض و ما فيش حد بيرمي ليا الادويه في الشارع
في الشغل لو اترفدت فيه مكتب عمل ياخد لي حقي و قوانين عمل تحميني
في الشغل زمايلي ممكن يسألوا عني لو غبت و لو عملت عمليه ممكن الاقي بوكيه ورد
في الشغل المدير مش هايكشر في وشي لو حاجه مش راضياه و مش زي القطط ياكل و ينكر
في الشغل بيتم تقييمي علي اساس عملي مش علي اساس اهواء شخصيه
يبقي احب الشغل و لا الجواز
انا اتجوزت 15 سنه ما اخدتش اي حاجه غير بمبه كبيرة و عمر ضاع و مسئوليه بتهيالي لو كنت اشتغلت 15 سنه كان زماني مدير
تحياتي لسعه صدرك
العفو على ايهخدى راحتك على الاخر ساحه الحوار مفتوحه للجميع و دى ميزة المدونات
بس على فكره كل اللى زكرتيه عن الشغل محتمل ده لو كان رئيسك فى العمل انسان محترم لو العكس وارد برضه بعد 15 سنه شغل ناخدى نفس البمبه
المهم حمدلله على سلامتك من البمب و تعيشى بس متخديش بمب تانى
شرفتينا بزيارتك و تحياتي
بصراحة الشغل أهم
Maksofa
صراحه تحسدى عليها شرفتينا بالزيارة
شوف مفيش جدال علي الشغل ياعزيزي لكن شريك او شريكه الحياه لينا التزامات نحيتها مانقدرش نهملها و نقول اصلنا مشغولين في الشغل
لازم نديها برضه الاهتمام اللي يحسسها انها حاجه مهمه في حياتنا و صدقني مش بس بالفلوس لأ الجانب النفسي و الاهتمام مهم يعني خروجه حلوه جو رومانسي كده يعني
تحياتي ليك
يامدير
عندي بوست جديد تعالى
اجنده حمراء + هارت بيت
معاكى حق طبعا بس البوست مكتوب بطريقه كاريكاتوريه شويه و فيها مبالغه هو فى احلى من اللحظه الحلوه الرومانسيه اى رجل مستعد يكع دم قلبه علشان لحظه من دول امال احنا بنتجوز ليه بس بعد الجواز اللحظات بتقل تدريجيا حتى تتلاشى و نكع من غير لحظات و لا دياوله
شرفتينا بالزياره و تحياتى
----------------------------------
مكسوفه
اعتذر عن التاخير كنت مشغول شويه فى سفريه عندكم بالامارات
و شكرا لاهتمامك و لزيارتك
Post a Comment